काठमाडौं । राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले फाइल खोल्दा सरकार ढालेको भन्ने झुटो कुरा नगर्न प्रधानमन्त्री पुष्पकमल दाहाल र गृहमन्त्री रवि लामिछानेलाई चेतावनी दिनुभएको छ ।
संसदमा प्रधानमन्त्री दाहालको विश्वासको मतसम्बन्धि प्रस्तावमा छलफलको क्रममा बोल्दै प्रमुख सचेतक शाहीले यस्तो चेतावनी दिनुभएको हो ।
उहाँले ठुला नेताहरुको स्वार्थ नमिल्दा गठबन्धन फेरिएको भन्दै उहाँले यसलाई फाइल खोलेको कारण भएको भन्ने भाष्य स्थापित गर्न खोजेको भन्दै रोष प्रकट गर्नुभयो ।
उहाँले शुसासनको विषयमा गृहमन्त्री लामिछानेले लामो कुरा गरेको भन्दै निर्मला पन्तको हत्यारा र जीवि राई खै पक्राउ गरेको भन्दै प्रश्न गर्नुभयो ।