संखुवासभा । संखुवासभाको सिलिचोङगाँउपालिका १ स्थित सिसुवाको दिलुवा दोभानमा माथीबाट झरेको ढुङाले लागीएकै परिवारका दुई जनाको घटना स्थलमै मृत्यू भएको छ । एक जना भम्भीर घाइते भएका छन ।

ढुंगाले लागेर ४९ वर्षीया मोतिमाया राई र बुहारी २५ वर्षीया समिक्षा राईको मृत्यु भएको हो । यस्तै ३२ वर्षीया छोरी रविना राई गम्भीर घाइते भएकी सिलिचोङ गाँउपालिका अध्यक्ष भुपालराज मेवाहाङले बताउनुभयो ।

माथिबाट झरेको विशाल ढुङाले किचेर गम्भीर घाइते रविनालाई मंगलबार दिउँसो थप उपचारको लागि सेनाको हेलिकप्टरबाट काठमाडौं लगिएको छ । उनको दाहिने खुट्टा ढुङाले किचेर चुडिएको स्थानीयले जानकारी दिए ।

अध्यक्ष मेवाहाङका अनुसार उनिहरु घरमा सुतिरहेको अवस्थामा सोमबारराति माथीबाट झरेको ढुङाले किचेको हो । घरमा सुतिरहेका ४ वर्षिय नाबालक सहित ३ जना भने सकुसल रहेका छन् ।  ढुङाले घरमा समेत क्षति पुगेको छ ।